امبارح ظهرت تسريبات جديدة ان الـPs5 هيتم اصداره في شهر ديسمبر بدل من شهر نوفمبر و اللي كان الشهر اللي صدر فيه الـPs3 سنة 2006 و الـPs4 سنة 2013 و بعيدا عن معاد الاصدار النهاردة ظهرت معلومة جديدة بخصوص سعر الـPs5

اعلن ستور ProGamingShop الاوروبي عن بداية طلبات الحجز المسبق علي جهاز الـPs5 مقابل 500 يورو يعني حوالي 558 دولار و ده معناه ان الجهاز سعره هيبقي اغلي من سعر الـ4 حوالي 150 دولار و لكن فيه ستور تاني اكد ان سعر الجهاز مش هيعدي الـ500 دولار فقط

جهاز الـPs4 لما نزل كان سعره 400 دولار و كان اقل من سعر الـXBOX وقتها بـ100 دولار و بما ان السعر بيشكل فرق اساسي في انتشار الجهاز فممكن نلاقي انخفاض اكتر للسعر ده و دي السياسة اللي بتمشي عليها الشركات حتي لو بيتعرضوا لخسائر في البداية الا انها بتحقق ارباح ممتازة علي المدي البعيد 

سعر مرتفع نسبيا لكن لحد دلوقتي محدش يعرف الـHardware المستخدم في الجهاز اللي يخلي سعره يوصل للرقم ده و لكن كلنا هنفضل مستنين لحد الاعلان الرسمي و السعر الرسمي من SONY