مين الاقوى؟
كلنا متشوقين للعبه God of War Ragnarökومنتظرين المعركه الاسطوريه بين ثور وكريتوس
يا ترى مين الاقوى فيهم اللى هينتصر فى المعركه دى ؟
و عشان نجاوب على السؤال ده خلينا الاول نشوف مدى قوه كل واحد منهم .
اولا النسل :
كريتوس يبقى ابن زيوس ملك الالهة فى الاساطير الاغريقيه
اما ثور فهو ابن اودين ملك الالهة فى الاساطير الاسكندنافيه
ثانيا الاسلحه :
الاقزام بروك وسيندريو هما الى صنعوا مطرقه ثور لتحقيق السلام فى العالم ولكن بعد لما لقوا ان ثور استخدم المطرقه فى الشر و قتل العمالقه ونشر الحرب والدم فى العالم قرروا يصنعوا سلاح يقدر يتصدى لمطرقه ثور وصنعوا الفأس الى اعطوها لزوجه كريتوس وهى بعد كده اهدتها لكريتوس عشان يستخدمها فى الخير واعادة السلام للعالم .
فالبنسبه للاسلحه تقريبا قوتها متعادله لانها من نفس الصانع
ثالثا الاعداء :
كريتوس دخل فى عداء مع آلهة الاغريق و قدر يهزمهم كلهم بعد ما استغلوه بدايه من اله الحرب أريس الى خدع كريتوس وخلاه يقتل مراته وبنته فى محاولته لجعل كريتوس محارب عظيم!
ثور دخل فى عداء مع العمالقه لآنه ورث كراهيتهم من ابوه اودين وقدر ثور انه يقتل جميع عمالقه الاساطير الاسكندنافيه
رابعا الصفات :
كريتوس وثور متشابهين فى صفاتهم زى القوه الهائله والغضب واللامبالاه
الاتنين معاهم اقوى الاسلحه اللى صنعها الاقزام
لكن الفرق الوحيد بينهم ان ثور معروف عنه الاندفاع ولتسرع وتعطشه للدماء
بعكس كريتوس اللى ندم على ماضيه واتغير وبقى فى الجزء الرابع من اللعبه اكثر حكمه وسيطره على نفسه
وده الى بيخلينى ارجح كفة كريتوس على ثور.
وفى النهايه ممكن قتال ثور وكريتوس ينتهى بالتعادل او يتدخل فيه طرف تالت ويخلى كريتوس ينتصر او العكس
لان فى نظريات بتقول ان اتريوس ابن كريتوس هو لوكى الى هيقتل كريتوس فى النهايه ولكن كلها تخمينات ومحدش عارف المعركه ممكن تنتهى على ايه ؟
قولنا فى الكومنتات متوقع مين ينتصر فيهم؟
|
