إن شاء الله فيه فقرة هتتقدم كل فترة و هتبقى عن الAchievements/trophies guide و هي هتبقى للناس اللي بتحب تطلع كل الachievements في اللعبة هعملكم زي إرشاد لأسهل طريق للtrophies اللي ممكن تكون رخمة شوية أو بتكلف وقت كبير و محتاجة tricks/tips .. و النهاردة هنبتدي بواحد من أرخم الأتشيفمينتس اللي فتحتها الفترة اللي فاتت الحقيقة و أعتقد كتير منكم اللي لعب Shadow of War هيفهم قصدي خصوصاً لو لعب DLC بتاع Desolation of Mordor

 

التروفي ده هو Baranor the conquerer اللي بيتطلب منك تخلص الDLC على تقييم جولد .. طبعاً التقييم مبتاخدوش غير لما بتخلص الDLC بالكامل مفيش track لأي progress بتعمله لذلك انت مبتقدرش تكتشف ايه المطلوب عشان توصل للتقييم ده و هل هو في حدود المعقول ولا لاء غير لما تخلص الDLC لأول مرة

 

فبالتالي أه .. أقدر أقولكم إن عشان تقدر تفتح التروفي ده محتاج تخلص الDLC مرتين .. متتخضش أوي لإن الDLC بيخلص بالظبط في 4 سعات على مستوى متوسط فالموضوع مش هياخد منك وقت كبير .. طب ايه المطلوب عشان نوصل لتقييم الجولد و ايه هي الtips & tricks المتعلقة بالتروفي ده؟

 

 

مبدأياً دي صورة screenshot من الstats بتاعتي بعد ما خلصت الDLC للمرة التانية و قدرت إن انا أحصل على تقييم جولد

 

من الصورة التقييم بتاعي معدي ال300 XP و الخبر الحلو هنا إن هو في حدود ال220k هتقدر تفتح التروفي بردو .. و التقييم ده زي ماهو موضح بيبقى بناءً عالأتي :

 

- عدد الoutposts اللي فتحتها (كده كده لازم تفتحهم كلهم)

 

- المدة الزمنية اللي قدرت تخلص فيها الDLC (أهم حاجة)

 

- الصعوبة اللي بتلعب عليها

 

نبدأ ناخد حاجة حاجة .. الأول الoutposts و زي ما قولت لازم تخلصهم كلهم عشان تفتح المهمة الأخيرة .. ننقل للفترة الزمنية اللي بعتبرها هي الفاصل في التروفي ده لإنها بناءً عليها بيتم تزويد الXP لدرجة لا تتخيلوها .. انا كنت في الحقيقة مرعوب لما عرفت إن أقصاها ساعتين إلا ربع عشان تقدر تفتح التروفي لأن كنت فاكر الموضوع متعلق بكل شيء موجود في الخريطة .. الخبر الحلو هنا إن البلاي ثرو التاني ليك هيكون بمثابة الNew Game Plus .. بمعنى ايه؟

 

إن كل الupgrades اللي عملتها لأسلحتك (الأسلحة مش الablities) هتكون مكملة معاك في البلاي ثرو التاني .. و دي هتديك أفضلية كبيرة في الكومبات .. لذلك أنصح بشدة إنك تجمع الcollectibles و توديها لtorvin عشان تقدر تفتح الupgrades دي

 

مش بس كده .. انت كمان مش هتحتاج تخلص المهام الأساسية للDLC اللي كانوا تقريباً 3 مهمات ضخمين شوية .. كل اللي هيتطلب منك في البلاي ثرو التاني إنك تحتل الoutposts بس و بعدها هتخش عالمهمة الأخيرة مباشرةً! .. لذلك الوقت مش هيمثلك عقبة كبيرة لو انت بقيت familiar مع الأسلحة و طريقة إستخدامها في البلاي ثرو الأولاني

 

 

 

نخش عالنقطة التانية و هي مستوى الصعوبة .. في رأيي مستوى الصعوبة يفضل يكون Nemesis .. الموضوع هيكون رخم شوية لو انت متعود على normal لأن ضربات الأعداء هتشكل مصاعب شوية و لكن مع middle-earth مفيش حاجة معقدة تماماً .. بإستغلال نقاط الضعف عند الcaptains و اللعب ليها الموضوع مش هيكلفك وقت كبير زي مثلاً الcaptains اللي عندهم مشاكل مع السم بإستخدام الأسهم المزودة بالسم هتقدر تتعامل معاهم بسهولة .. و تجنب دائماً الcaptains اللي من نوع الassassin لإنهم لو قتلوك مش هيكون فيه إتاحة فرصة إنك تصد الضربة الأخيرة و هتضطر تعيد البلاي ثرو من الأول لإن الDLC ده فيه perma death عشان baranor معندوش قدرات الring الخارقة .. فا حاول ديماً لو لقيت نفسك خلاص هتموت إطلع بسرعة من اللعبة

 

وبكده أكون خلصت الguide للتروفي ده و متبقاش غير إنك تجرب بنفسك  

 

الخطوات تاني وبشكل ملخص :

 

1- خلص الDLC لأول مرة على أي مستوى سهل أو متوسط

 

2- جمع كل التجميعات و وصلها لtorvin عشان تقدر تupgrade الgadget بتاعتك

 

3- بعد ما تخلص الDLC إبدأ بلاي ثرو تاني على مستوى Nemesis و حاول تتجنب الfights اللي ممكن تعطلك و إستخدم دائماً الfast travel للمسافات الطويلة و الخطاف Grappling Hook للمسافات القصيرة عشان تقدر توصل بشكل أسرع لأن مفيش caragors تقدر إنك تركبها

 

4- إستغل نقاط الضعف عند الcaptains عشان تقدر تخلص عليهم بسرعة و حاول تقتل أكبر عدد ممكن من الbodyguards للwarchiefs عشان تسهل عليك المهمة الأخيرة لإحتلال القلعة 

 

5- خلي معاك ساعة دايماً و حاول إنك تخلص الDLC في ساعة نص أو ساعتين إلا ربع