من فترة كبيرة تم الكشف عن لعبة Dead Island 2  بفيديو تشويقي ممتع جدا وتحديدا كان في معرض E3 2014 ، مفيش شك انها كانت من اهم الالعاب المنتظرة وللاسف اللعبة اتاجلت اكتر من مرة وتم تغيير الاستوديو المطور للعبة اكتر من مرة ، حتى ان البعض تصور ان الشركة الناشرة Koch Media نسيت اللعبة ، لكن الرئيس التنفيذي للشركة أكد ان التأخيرات دي دليل على محاولتهم الخروج باللعبة بأفضل صورة ممكنة.

وده اللي أكده Klemens المدير التنفيذي للشركة الناشرة لما اتسال عن اللعبة من موقع Game Industry ، وكان رده

هذا هو سؤالي المُفضل, Dead Island هي علامة تجارية مهمة جداً لنا ويجب علينا أن نقدمها بطريقة صحيحة. وكل هذه التأخيرات تدل على شغفنا بمحاولة جعلها صحيحة.

اللعبة الآن تحت التطوير من الاستديو الثالث وهذه قصة جميلة لكننا نريد أن يتم الحكم علينا على المنتج النهائي ونحن واثقين جداً بأنّ عندما تصدر سوف تكون لعبة موتى سائرون (زومبيز) ممتازة. بالتأكيد سنمنحها كل قوتنا.

السؤال الاهم حاليا هو ، هل اللعبة هتقدم المستوى المنتظر منها ولا هتكون زي الجزء مش على المستوى المطلوب ؟

في الغالب اللعبة هتصدر على لاجهزة الجيل الحالي و القادم وهيكون فيه محتوى حصري لـ PS4 . 

لو بتدور على لعبة  شبيه بـ Dead Island أنصحك تجرب لعبة Dying Light اللي بتعتمد على رياضة الباركور وبتقدم القتال بصورة ممتازة.