من أول ما أعلنت Sony عن جهاز الـ PS5 ، ظهر بعدها كلام كتير من الشركة والمطورين عن أهمية وجود هارد SSD لزيادة سرعة الالعاب وتحسين آدائها و تقليل فترات التحميل و مساعدة المطورين في تقديم تفاصيل اكتر في الالعاب.

حتى الان مفيش أي معلومات عن مواصفات الهارد ، لكن شركة Samsung لمحت انها هتكون المسؤلة عن صناعة الهارد في جهاز PS5 في مؤتمرها الاخير في طوكيو ، لان في عرض الاعلان عن الهارد الجديد كان موجود صورة دراع البلايستيشن .

شركة Samsung متكلمتش عن جهاز الـ PS5 لكنها قالت انها بتعمل هارد جديد هيستم استخدامه في جهاز ألعاب هينزل في 2020 ، وقالت ان الهارد الجديد هيقلل وقت التحميل أكتر من التلت مقارنة بالهاردات المستخدمة في اجهزة الجيل الحالي.