من اسباب الحماس للعبة Cyberpunk 2077 ان مطور اللعبة عو نفس مظور لعبة The Witcher 3 و اللي بتتصنف كواحدة من احسن العاب الجيل الحالي و ده بيخلي اللاعبين ديما في حالة مقارنة علي امل انهم يخوضوا تجربة شبيه بويتشر

المقارنات بدأت من دلوقتي بين لعبة Cyberpunk و لعبة Witcher 3 و كان هدف المقارنه هو انهم يشوفوا عمر اللعبتين في مثابلة الفريق مع مستثمريه سأل واحد منهم سؤال بخصوص عدد ساعات اللعبة اللعبة مقارنة بويتشر و اكد الفريق انها هتكون اقصر من ويتشر

لعبة Cyberpunk 2077 هتبقي حوالي 50 ساعة لعب و كده اقصر فعلا من Witcher اللي بتحتاج حوالي 100 عشان تقفلها و ده طبعا بيشمل مهام القصة والمهام الجانبية و لكن الفيرق وضح ان طريق تصميم المهمات الجانبية في cyberpunck هيكون اكثر اختلافا و اكثر عمقا

لتوضيح اكتر مثلا لو عملت مهمة جانبية معينة هيتفرع منها قدام شوية مهمة مرتبطة بيها بحسب الاحداث و اختيارات كل لاعب و ده اللي ممكن يخليها مهمات اكتر تعقيدا و في الاول و الاخر هي هتأثر علي مهمات القصة الرئيسية و ده اللي هيخلي اللاعبين عايزين يلعبوا اللعبة اكتر من مرة علي عكس ويتشر