كل خبر بيطلع عن لعبه Hogwarts Legacy بيخلينا متحمسين اكتر ليها
المخرجة الإبداعية للعبه مويرا سكوير قالت فى لقاء صحفى ان اللعبه هيكون فيها اكتر من 100 مهمه جانبيه ,والجميل فى الموضوع ان المهمات الجانبيه هتكون مرتبطه بالقصه الرئيسيه وبتاثر عليها
بمعنى انك لما تقابل او تتعامل مع شخصيه معينه فى مهمه جانبيه تعامل الشخصيه دى بيختلف معاك فى القصه الرئيسيه.
كمان الترتيب اللى هتلعب بيه المهمات الجانبيه هياثر على ترتيب احداث القصه الرئيسيه بالنسبالك لآن القصه الاساسيه فى اللعبه هتكون معقده وجذابه ومعتمده طول الوقت على اختيارات اللاعب
