لعبة التصويب والخيال العلمي اللي ناس كتير منتظراها من زمان "Half-Life 3" أخيراً دخلت مرحلة جديدة من اختبارات اللعب، وده بحسب "Gabe Follower" اللي ليه تاريخ طويل في تسريب معلومات عن ألعاب Valve.

أخبار تسريباته بتقول إن لعبة Half-Life 3 بدأت اختبارات اللعب مع عيلة وأصحاب مطوري Valve في الشهور اللي فاتت، الخبر ده مهم لأنه يعني إن اللعبة في مرحلة مهمة من التطوير وعلى الرغم من إننا مفيش تفاصيل كتيرة عن اللعبة إلا إن المشروع بيتقدم كويس.



شركة Valve كانت أجلت لعبة Half-Life Alyx قبل كده لمدة سنة عشان يعيدوا كتابة القصة، وكمان لعبة Deadlock الجاية من Valve شافت تأجيلات كتير بسبب ردود الأفعال اللي جت من الاختبارات، فده معناه إن لعبة Half-Life 3 ممكن كمان تتأجل لو التقييمات مكانتش كويسة.

مع ذلك، الخبر ده بيخلينا متحمسين! ليه؟ لأن اختبارات اللعب دي معناها إن الإعلان عن Half-Life 3 ممكن يبقى قريب، وده خبر ممتاز لعشاق السلسلة، اللي كانوا مستنين أخبار جديدة بقالهم سنين.



عن موعد إصدار اللعبة، للأسف مفيش أي معلومة مؤكدة لكن Gabe Follower بيقول إن تطوير اللعبة ماشي كويس، وإحنا ممكن نسمع عنها حاجة رسمياً قريب.

باختصار، عشاق Half-Life عندهم سبب يفرحوا بيه دلوقتي، اللعبة في مرحلة متقدمة من التطوير، والتسريبات بتقول إنها ممكن تصدر في وقت ما في 2025، ولو اللعبة ما نزلتش رسمي ممكن تتسرب عالإنترنت قريب بسبب وصول ناس كتير ليها.