مفيش شك إن إستوديو Monolith Productions قدر إنه يقدملنا الجيل ده فكرة عالورق مميزة جداً و ممكن نعتبرها فكرة ثورية و هي الNemesis System و تطبيق الفكرة نفسها بردو كان ممتاز سواء في لعبة Middle-earth Shadow of Mordor أو الجزء التاني منها War .. بغض النظر عن مستوى السلسلة من ناحية إنها بتقدم lore لعالم الmiddle-earth فا اللعبتين كا جيم بلا إستفادوا جداً من فكرة الNemesis System و الصراحة احنا إستمتعنا باللي قدموه

و لكن الحديث عن مستقبل الإستوديو يبقى كما هو .. ايه هو المشروع القادم و هل فيه جزء تالت لسلسلة middle-earth؟ .. النهاردة فيه أنباء بتؤكد إن فريق monolith شغال بالفعل على لعبة عالم مفتوح جديدة ممكن تكون جزء تالت و ممكن يكون لعبة مختلفة تماماً .. و لسة مفيش أي تسريبات أو تقارير بتوضح معاد نزول المشروع اللي هما شغالين عليه