إضافة الـNew Game Plus قادمة للعبة Assassin’s Creed Odyssey في الشهر الحالي
أحد أفضل ألعاب الRPG في العام الماضي حققت لعبة Assassin's Creed Odyssey نجاح كبير على المستوى النقدي و قدرت إنها تكسب إنطباعات إيجابية عند اللاعبين لأول مرة من فترة طويلة جداً
اللعبة لغاية دلوقتي في ناس بتلعبها و فيه ناس لسة مختمتش اللعبة لإنها ضخمة جداً و مليئة بالنشاطات ده غير طبعاً دعم شركة يوبي سوفت لللعبة المستمر بالإضافات و التوسعات و النهاردة بتفاجئنا بإضافة خيار الNew Game Plus اللي هتحصل عليه اللعبة في شهر فبراير الحالي وفقاً لتغريده من حساب اللعبة الرسمي بتويتر.
خيار مش الأول في السلسلة و كان موجود في لعبة Assassin's Creed Origins و لكن برغم إن مفيش لسة تفاصيل كافية عن الموضوع بس أتوقع إن اللعبة هتستغل الخيار ده أكتر مع جزئها الحالي لإن فعلاً فيه أرض خصبة لإستغلال حاجة زي كده
