أساسينز كريد روج من أكتر أجزاء السلسلة اللي بتربط أكتر من جزء أو 2 ببعض .. لأن روج تقريباً بتربط أحداث تلت أجزاء مهمين في السلسلة .. و هما الجزء التالت و الرابع و يونيتي.

بتقع أحداث اللعبة في منتصف القرن الثامن عشر خلال الحرب الفرنسية والهندية ويتتبع فصول من حياة شاي باتريك كورماك اللي كان تابع لطائفة الأساسنز قبل أن ينضم إلى تنظيم فرسان الهيكل. أسلوب اللعبة مشابه لأسلوب بلاك فلاج لحد كبير فا لو كنت واحد من محبين حرب السفن في الجزء الرابع هيعجبك هنا إسلوب اللعب جداً .. بالإضافة لعنصر الإستكشاف البحري على متن السفن والإستكشاف البري مع بعض الميزات الجديدة والمهمات الجانبية.

للعبة هتعتمد في الجزء ده بشكل أساسي علي المعارك البحرية بحيث هتقدر تسيطر علي سفينة الموريجان بالبطل شاي وهيكون عندك القدرة علي الإبحار وسط الأنهار مش المحيطات بس زي الجزء الرابع , كمان تم تطوير أسلحة السفينة زي إضافة الزيت لإشعال السفن التانية و الأعداء المرة دي ممكن تتسلق سفينتك عشان تحاربك عليها

المرة دي هتواجه أساسنز زيك و هيتخفوا عشان يقتلوك فا لازم تكون حذر .. مش كده و بس انت هتقدر كمان تلعب في البيئة القطبية و هيكون عندك بعض مهام الغطس أسفل الماء بالقطب الشمالي اللي هيخلي صحة اللاعب تنقص بسبب الماء البارد علي عكس الماء الدافئ 

عرض الإطلاق :