اللعبة حرصت على إضافة خيارات كتير عشان تمكنك من تكوين الشخصية اللي انت عايزها، فـ ممكن للشخصية أنها تكون ذكر أو أنثى مع خيارات كتير في تعديل باقى ملامح الشخصية.

كمان Greedfall مهتمة بأهمية الخيارات فى القصة واللي بتعتمد على التنوع بين الفصائل الموجودة فى اللعبة والمتعددة، عشان كدة صرح المطورين أنهم حريصين بشكل كبير على أن يختبر كل لاعب القصة الخاصة بيه والمختلفة عن قصص اللاعبين التانيين.

لعبة Greedfall فيها العديد من عناصر الـ RPG مع شجرة مهارات طويلة ومتفرعة الغرض منها منح كل لاعب الفرصة فى تشكيل الشخصية اللي يلعب بها حسب رغبته الشخصية.

كمان اللعبة بتحتوى على عدد كبير من الدروع والاسلحة واللي بتغير من شكل الشخصية عن ارتدائها ، كمان الأسلحة والدروع ليها الأرقام الخاصة بها واللي بتضاف للشخصية.