من الالعاب اللي بتتميز بشعبية كبيرة جدا هي لعبة كرة القدم PES 19 و اللي هتصدر نهاية الشهر ده بتاريخ 28/8 عالميا و 31/8 في الشرق الاوسط 

بنقدملك النهاردة التغيرات اللي طرأت علي النسخة دي عشان لو انت محتار بينها و بين ممنافستها الوحيدة FIFA 19 

- دعم اللعبة لدقة الـ4k و اللي اكيد هتكون متوفرة فقط لجهاز الـPs4 Pro و الـXBOX One X

- اضافة مهارات و حركات جديدة و اللي تقريبا 11 حركة جديدة غير اللي كانوا موجودين في اللعبة قبل كده 

- تغير شكل الجماهير في الملعب و اللي كمان هتقدر تحتفل معاهم بعد ما تجيب جول بس خد بالك لانك تقريبا هتاخد انذاربال

- تغيرات جديدة و كتيرة جدا بالنسبة لطور My Club و بردو بالنسبة للـMaster League

- اضافة جمل جديدة للتعليق و المعلقين و نتمني انها تدعم التعليق العربي بشكل اكبير لانو كان روتيني بشكل كبير جدا في نسخة السنة اللي فاتت

- اضافة جديدة ممكن نقول متاخدة من فيفا و هو التغيرات السريعة و اللي بزرار واحد هتقدر تعملها من غير ما تدوس Start و تتخانق انت و صاحبك

- اضافة المناخ الثلجي و اللي ظهر في PES 18 و اتشال لعدم واقعيته و لكن هيظهر تاني في نسخة السنادي و هيبقي مؤثر جدا في شكل الملعب و حركة اللاعبين و الكره

- نظام الـLight System و اللي هيبقي عبارة عن محاكاه للوقت الحقيقي بحيث لو بدأت ماتش الساعة 6 المغرب هتلاقي الشمس بتغيب لحد ما تبقي الساعة 8 مثلا و ده بيضيف واقعية اكثر

- تحديث و تعديل نظام تسدسد الكرات بشكل كبير سواء اثناء الثبات او الحركة

- و طبعا بعد شراء حقوق الدوري الروسي بنعتقد ان اللعبة تحقق مبيعات قوية جدا في روسيا 

نعتقد ان دي كل الاضافات الجديدة اللي تم الاعلان عنها و مستنين اكتر في مؤتمر Gamers con و اللي هيتم فيه الأعلان عن الـGameplay و حاجات تانية جديدة 

تقدر تحجز نسختك من اللعبة من خلال اللينك ده https://goo.gl/jPtL99 للـps4

و للـXBOX One من خلال اللينك ده https://goo.gl/PsqTD4