اللعبة هتصدر بشكل رسمي لمنصات الأجهزة المنزلية PlayStation 4 و Xbox One وأيضاً للحاسب الشخصي في 15 من فبراير القادم واللعبة هتدعم اللغة العربية على صعيد القوائم والنصوص.
كل ما تريد معرفته عن لعبة Jump Force
مفيش شك إن متابعين الأنمي الياباني Jump Force فيه ما بينهم نقاشات ساخنة دايماً حول معارك تخيلية و إختيارهم لمن هو الأفضل .. حد يقدر يهزم Naruto؟ هل Guko بقدراته هو أقوى saiyan موجود؟ ايه اللي هيحصل لو الشخصيتين الأيقونتين دول دخلوا في صراع مع بعض؟
يوجد العديد من الجماهير المتحمسة قامت بالفعل بتصميم معارك تخيلية ما بين Guko و Naruto إلى أن أتت Bandai Namco لتحقق الحلم و تقدملنا لعبة Fighting تضم جميع الشخصيات من الأنمي المحبوب Jump Force و بوعود كتيرة جداً عن المحتوى اللي هتقدمه
الشخصيات هتكون مستوحاه بالكامل من المانجا اللي بتنزل بشكل إسبوعي في اليابان Shonen Jump و إليكم التفاصيل اللي وصلتلنا لحد دلوقتي بخصوص لعبة بانداي نامكو القادمة Jump Force :
تشير التقارير و المصادر الصحفية أن نسخة الBETA (نسخة تجريبية) القادمة هتتوفر في يوم 31 يناير يعني النهاردة .. و الشركة وضعت فترة محدودة بتسمح ليك التجربة و الفترة دي متقسمة لتلت فترات بحيث تناسب وقت جميع الدول بإختلاف موقعهم الإستراتيجي .. الفترة الأولى هتبدأ من 7 مساءً حتى 12 منتصف الليل .. و الفترة التانية هتبدأ من 10 صباحاً حتى الساعة 3 مساءً .. والفترة التالتة هتبدأ من 11 مساءً حتى 4 صباحاً .. يعني تقريباً 5 سعات في كل session
أعلن بانداي نامكو أيضاً عن مجموعة جديدة من الشخصيات هيكونوا متوفرين في اللعبة من يوم إطلاقها و جميعهم من عالم Naruto .. شخصيات عندهم قدرات هائلة و كاريزما عالية و بيحظوا على إعجاب كبير من المشاهدين .. أمثال :
Boruto
Gaara
Kakashi
Kaguya
تقدروا تتفقدوا تفاصيل أكتر من خلال الفيديو أدناه :
العرض التشويقي مقدملناش تغطية كاملة عن اللعبة و لكن من المعروف من قصة الأنمي إن Jump Force بيتجمع فيه كل الheroes من مختلف الanimes لتحقيق العدالة و التصدي للشر و محاولة إخماد هجوم الno-gooders اللي عايزين يقوموا بإستعمار الأرض و تدمير البشرية .. و لكن برغم كل القوى الخارقة اللي بيملكها الأبطال الخارقون إلا إنهم في حاجة إليك لمساعدتهم عن طريق يد التحكم! فا بإمكانك بناء شخصية البطل الخاصة بيك و بالحركات اللي بتناسب إسلوب لعبك .. بإمكانك أن تغتنم الفرصة لتساعد أبطالك المفضلين للتصدي للتهديد الأكبر.
إليكم القائمة الكاملة للشخصيات المعلن عنها حتى الأن:
